«Жүре алмай, қоштасып келдім»: Жұлдызай Дүйсенбиева ауыр халге түскенін айтты

Өнер иесі видео жариялап, денсаулығына алаңдап жатқан ағайынға алғыс айтты. 

“Мұратжан, рақмет. Ауырып, жүре алмай қоштасып келіп едім. Жүре алмаймын деп те ойлағанмын. Мұрат жүргізіп жіберді. Жатып алып сөйледі демеңіздер, осылай жата тұру керек екен. Шыдай алмай жақсарғаныммен бөлісіп жатырмын. Жақсы болып қалдым. Қолың дерт көрмесін, Алла разы болсын!", – деді ол.

“Бұл бір түсініксіз ауру болды өзі. Дәрігерлер бұл жаман ауру деді. Басымның артқы жағынан түйін шықты, екінші бас сияқты болып тұрды. Мен ол уақытта түсірілімде жүрдім, басым ауырып бастағанда бірден үзіліс алып, үйден шықпай жаттым. Мен көпке көрсетіп, жылап, одан хайп жинағанды жақтырмаймын. Бірақ мен қатты уайымдадым, өйткені маған дәрігерлер "өлесің" деді. "Болды, өлесіз, құлақтың артынан бірнәрселер жиналған" деп әбден қорқытты”, – деген еді актриса.