RUS
Бұл шара еліміздің және шетелдің үздік спортшылары қатысатын тарихи бокс кешіне дайындық аясында ұйымдастырылды. Баспасөз жиынына «Nomad Promotions» компаниясының құрылтайшысы Рүстам Қуаншалиев, Қазақстан кәсіпқой бокс федерациясының президенті Рахымжан Ердінбеков қатысты,сондый-ақ, кеште өнер көрсететін боксшылар қатарында Махмұд және Төрехан Сабырхан, Батыр Жүкембаев, Өзбекстандық боксшы Баходир Жалолов, Біріккен Араб Әмірлігінен келген Азинга Фузиле, Сұлтан Заурбекжәне олардың промоутерлері мен менеджерлері қатысты.
Сурет: Дина Ғалымжанқызы
Қазақстандық боксшы Жәнібек Әлімханұлы мен франциялық Анауэль Нгамиссенгенің арасындағы титулдық жекпе-жек 5 сәуір күні Астана қаласында «Барыс-Аренада» өтеді деп жоспарлануда. Жекпе-жекте WBO және IBF тұжырымдары бойынша орта салмақтағы чемпиондық белбеулер сарапқа салынады. Кездесуді Qazaqstan және Qazsport телеарналары тікелей эфирде ұсынады. Сондай-ақ, кешті ESPN+ платформасынан да тамашалауға болады.
Аталмыш компания 2024 жылы құрылған, ондағы мақсат – әлемдік деңгейдегі кәсіби боксты Қазақстанға қайтару. Осыған орай, еліміздіңпромоутерлік компаниясы 30 жылдан астам тәжірибесі бар британдық Excelsior Sports Club ұйымымен тығыз ынтымақтастық орнатқан. Nomad Promotions Warrior Season 2025 жобасын іске қосты. Сарапшылардың пікірінше, бұл бастама Орталық Азия спортының дамуына үлкен серпін бермек. Қазақстанды әлемдік спорт аренасына айналдыру үшін, үш жылдық халықаралық турнирлер жоспары әзірленген. Осы миссия аясында болашақ чемпиондарды даярлап, оларды жоғары деңгейдегі жекпе-жектерге шығаратын бокс академиясын құруды көзделіп отыр.
Автор: Дина Ғалымжанқызы