RUS
SMARTNEWS.KZ басылымының хабарлауынша, танымал продюсер, тележурналист Динара Сәтжан жолдасымен бірге мешітте некесін қиды. Бұл туралы Stan.kz жазды.
Тележурналист жеке парақшасында некелесу сәтінің фотосын жариялады. Суреттен ресми неке куәлігі және мұсылманша неке куәлігін көруге болады.
Әріптестері су жаңа қалыңдыққа бақыт тілеп, тілектерін жаудырып жатыр.
“Махаббатым менің! Жақсы көремін”, – деп жазды журналист.
Одан бөлек өнер иесі блогер Әсел Ауылбекованың ютуб-каналына берген сұхбатында жолдасы Жұмабек Жанықұловпен қалай танысқанын айтып берді.
“2023 жылы ресми түрде ажырасқан. Біздің шаңырақ көтеруіміз оның бұрынғы отбасы жағдайына тікелей байланысты болды. Мен одан сұхбат алдым. Көрермен де шет-жағасын біледі. Содан кейін бәрі басталды. Оған дейін мен танитынмын. Оның сондай іскер азамат екенін, Forbes журналының мұқабасына шыққанын білемін. Сұхбат шыққаннан кейін жақын араласа бастадық. Бір көргеннен ғашық болдым деп айтпай-ақ қояйын. Ондай сөзге онша сене де бермеймін. Ол кісі өте көп адамдарға көмектескен. Сол үшін де қатты құрметтеймін”, – деп бастады әңгімесін журналист.
Одан кейін балалары жолдасын қалай қабылдағанын да жасырмады.
“Бір күні ұлыма сені бір адаммен таныстырғым келеді дедім. Ол бірден: “Маған уақыт беріңіз” деді. Негізі, адам біреуді жақсы көрсе автоматты түрде сол адамның жақындарын да жақсы көреді. Даниал мен жолдасым кездескенде бірден ортақ тіл табысып кетті. Қызым көрген кезде-ақ “Әке” деді. Ол менің балаларымды мен оның балаларын жақсы көруге міндеттімін”, – деді медиа маманы.