RUS
SMARTNEWS.KZ басылымының хабарлауынша, танымал продюсер Баян Мақсатқызының күйеуі, бизнесмен Тұрсен Алагөзов “Цесна” компаниясындағы қызметкерлерге көлік сыйлады.
Тұрсен Алагөзов – "Цесна" наубайханалық бидай компаниясының директоры. Продюсер күйеуінің көлікті табыстау сәтінің видеосын бөлісті.
“Біз өз өмірін компанияға арнаған қызметкерлерге шексіз алғысымызды білдіреміз. Олардың қажырлы еңбегі, жанкештілігі мен атқарған жұмыстары – жетістігіміздің берік негізі. “Цесна” компаниясында мұндай адал қызметкер өте көп. Өндірістің дамуына үлес қосқан әрбір қызметкерді бағалаймыз. Тұрсен Тұрымұлы ұзақ жылдар бойы ел игілігі үшін қызмет етіп келе жатқан жандарға алғыс білдірді”, – деп жазды компанияның ресми парақшасы.
Сондай-ақ ұн өнімдерін шығаратын зауытта 40 жылдан бері еңбек етіп келе жатқан қызметкерлерге компанияның су жаңа басшысы Haval автокөлігін сыйлады.
Қасымов Қажымұрат, Печенов Александр, Витмановский Игорь, Іргебай Марат, Габдушев Аскар есімді қызметкерлер су жаңа көліктің иесі атанған.