RUS
SMARTNEWS.KZ басылымының хабарлауынша, жақында тұрмысқа шыққан журналист Динара Сәтжан жолдасының қалай еркелететінін айтты.
Медиа маманы меценат, бизнесмен Жұмабек Жанықұловпен шаңырақ көтерген еді.
“Мен әулетіміздегі бірінші немеремін. Мені бәрі еркелететін. Қазір де Жұмабек мені еркелеткісі кеп тұрады. Бұл тұрғыдан мен бәрін салқынқанды қабылдаймын. Бір күні Жұмабек “саған Rolls-Royce алып берейін” дейді. Мен “не үшін, не қажеті бар” деп тоқтатып отырмын. Онымен көшеде қалай жүремін. Бір күнде бірнеше түсірілімдерге барамын. Жаңалықтар порталымды жүргізу үшін әскери казармаларды аралаймыз. Түрлі жерлерге баруымыз мүмкін. Сол кезде Rolls-Royce-пен жүрмеймін ғой. Өзіме қазіргі айдап жүрген көлігім ұнайды. Болашақта қажет болып жатса, аламыз”, – деді журналист Әсел Ауылбековаға берген сұхбатында.
Сондай-ақ БАҚ өкілі бренд болып қалыптасқан тегін алмастыратынын айтты.
“Мен тегімді ауыстырып жатырмын. Мен бұны Жұмабекті жолықтырмай тұрып шешіп қойғанмын. Ұзақ уақыт жалғыз болдым. Өзіме неге мен жалғызбын деген сұрақ қойдым. Менің барлық назарым, жұмысым Динара Сәтжан деген бренд қалыптастыруда болды. Сонда анама мен тұрмысқа шықсам, тегімді ауыстырамын дедім. Ол таңғалды. Мен “Сәтжан деген есім үшін бәрін істедім” дедім. Эстафетаны әулетіміздегі келесі ұрпаққа беремін. Өзім тұрмысқа шығып, тегімді ауыстырамын. Өмір тек мансаптан тұрмайды. Сондықтан мен қайын жұртыма барып, сол әулеттің атын шығарамын”, — деп ағынан жарылды медиа маманы.