RUS
SMARTNEWS.KZ басылымының хабарлауынша, Абай ауданында полицейлер Мақаншы ауылында тұратын 2011 жылы туған 13 жастағы жасөспірім Қайратұлы Қайсарды іздестіріп жатыр.
Облыстық полицияның хабарлауынша, 10 сәуірге қараған түні Мақаншы ауылының тұрғыны Мақаншы аудандық полиция бөліміне кәмелетке толмаған ұлын табуға көмек сұрап хабарласқан.
«Әкесінің айтуынша, 9 сәуір күні сағат 14:30 шамасында баласы еркін күрес секциясына баратын жасыл электр скутерімен спорт модулі бағытында үйінен шығып кеткен. Содан бері оның қайда екені белгісіз», - деді полиция.
Полицейлер баланы іздеуге кірісті. Оларға мұғалімдер, жергілікті тұрғындар мен әкімдік өкілдері қосылды.
«Қайсар Қайратұлының жүрген жері туралы ақпарат болса, дереу 102 нөміріне немесе жақын жердегі полиция бөлімшесіне хабарласуларыңызды сұраймыз», - деп сұрады полицейлер қазақстандықтардан.