RUS
ШҚО Төтенше жағдайлар департаменті баспасөз қызметінің мәліметіне сүйенсек, құтқарушылар талдау жүргізіп, халықтың көміртегі тотығымен улануының негізгі себептерін анықтады. Жыл басынан бері өңір бойынша жер үйлерде қауіпті газдың салдарынан 13 адам зардап шекті.
«Адам үшін газға улану өте қауіпті. Газ тыныс алу жолдары арқылы өкпеге жетіп, қан айналымы жүйесіне енеді. Онда гемоглобинмен байланысады, ол өз кезегінде оттегіден 200-300 есе ауыр. Салдарынан қан оттегін тасымалдау және оны ағзаға жеткізу қабілетін жоғалтады. Ең алдымен ми зардап шегеді, содан соң басқа органдарға да әсерін тигізеді», - делінген ақпаратта.
Жыл сайын оқыс оқиғалардың алдын алу мақсатында әлеуметтік қорғалмаған отбасылардың үйлерінде улы газды анықтайтын датчиктер орнатылуда.
«Осы жылыту маусымының алдында үйлерге 2700-ге жуық датчик орнаттық. Соның барысында мемлекеттік өрт бақылау инспекторлары 43 096 тұрғынға нұсқаулық берді. Сондай-ақ 30 рейд жүргізілді», - делінген хабарламада.