RUS
SMARTNEWS.KZ басылымының хабарлауынша, Семейде жүк пойызы бір адамды басып кетті. Ол бағдаршамда тұрған теміржол құрамының арасынан өтіп кетпек болған. Бұл туралы "КТК" арнасы жеткізді.
Телеарна мәліметіне сәйкес, қайғылы жағдай шаһардың қақ ортасында болған. Әйел тоқтап тұрған пойыздың толық жүріп кеткенін күтпей, вагондардың арасымен өтіп кетуге әрекеттенген. Алайда бірнеше секундтан кейін пойыз орнынан қозғалып жүре бастаған.
Сол мезетте, марқұм дөңгелектің астында қалып қойған. Куәгерлер әйелді вагонның астынан шығарып үлгергенімен, ол оқиға орнында көз жұмды. Қазір осы оқиға бойынша іс қозғалып, тергеу жүріп жатыр.