RUS
SMARTNEWS.KZ басылымының хабарлауынша, марқұм Алина Серікованың ағасы Бауыржан Жолжан зорлаушылар оның атына күштеп алған несиенің не болғанын айтып берді. Бұл туралы Lada.kz жазды.
Бауыржан Жолжанның айтуынша, әпкесінің атына күштеп алынған несие әлі күнге дейін өтелмеген. Сотталғандардың туыстары заң бойынша жәбірленуші тарапқа ақша аударған емес.
Біз барлық қажетті құжаттарды жинап, соманы өндіріп алуы тиіс жеке сот орындаушысына тапсырдық. Алайда, осы уақытқа дейін ақша алған жоқпыз. Сот басталар алдында отбасымызға сотталғандардың туыстары келіп, несиені жабамыз дегенімен, бұл жай ғана сөз болған сияқты, дейді ол.
Оның айтуынша, Алина Серікованың банктік есепшоты жабық күйінде қалып отыр және өтелмеген несие үшін айыппұлдар алынбайды. Алайда қыздың отбасы оң нәтиже күтеді.
Еске салайық, 2024 жылдың мамыр айында желіде марқұм Алина Серікованың видеосы тараған болатын. Куәгерлердің айтуынша, бойжеткен көпқабатты үйден секіріп, өз-өзіне қол жұмсаған. Қайғылы оқиға, адамдардың айтуынша, 19-шағын ауданда орналасқан №40 үйде болған.