RUS
SMARTNEWS.KZ басылымының хабарлауынша, Ресейде дене шынықтыру сабағында мектеп оқушысы жүзікке ілініп, саусағынан айырылды.
Санкт-Петербург қаласындағы мектептердің бірінде дене шынықтыру сабағы кезінде 14 жастағы оқушы қыз саусағынан айырылды. Бұл туралы «Фонтанка» басылымы хабарлады.
Оқиға 19 сәуір күні шамамен түскі уақытта болған. Сабақ кезінде оқушы ойын барысында қоршаудан асып өтпек болғанда, қолындағы жүзігі темірге ілініп қалған. Соның салдарынан оның саусағы ауыр жарақат алып, жарақаттық ампутация орын алған.
Жедел жәрдем бригадасы зардап шеккен қызды сол қолының төртінші саусағымен бірге Педиатриялық университеттің ауруханасына жеткізген.
Басылым мәліметінше, қыздың жағдайы орташа ауыр деп бағаланған. Қазір ол хирургия бөлімінде ем қабылдап жатыр.