RUS
SMARTNEWS.KZ басылымының хабарлауынша, Түркия президенті Режеп Тайып Ердоғанның ұлы — Біләл Ердоған Ресейге деген ерекше ықыласын білдірді. Бұл туралы ТАСС агенттігі мәлімдеді.
Ол Ресейдің табиғатының әртүрлілігіне, мәдениеті мен асханасына қызығушылығы бар екенін айтты.
— Мен тіпті Якутскіде де болдым. Сондай-ақ Мәскеуде, Санкт-Петербургте, Қазанда, Сочиде болдым. Ресей — табиғаты сан алуан, мәдениеті бай алып мемлекет, — деді Билал Ердоған.
Президенттің ұлы Ресейдің көпұлтты тағамдарына да тоқталды. Оның сөзінше, бұл елде көптеген түркі халықтары тұрады, ал олардың ұлттық асханасы біртіндеп ресейлік тағамдармен үйлесе бастаған.
Бұған дейін Біләл Ердоған Ресей спортшыларын Олимпиада ойындарына қайтаруды қолдаған болатын. Ол спортшылардың саяси жағдайға қатысы жоқ екенін айтып, олардың жарыстардан шеттетілуін қисынсыз деп бағалады.