RUS
SMARTNEWS.KZ басылымының хабарлауынша, Ресейдің либерал-демократиялық партиясының (РЛДП) негізін қалаушы Владимир Жириновскийге тиесілі 1992–1997 жылдар аралығында жарамды болған шетелдік төлқұжат Санкт-Петербургтегі «Солтүстік аукцион үйі» арқылы саудаға шығарылды. Бұл тарихи жәдігерге шекаралық қызметтің мөрлері, Жириновскийдің жеке визалары мен қолтаңбасы енгізілген.
Аукционда лоттың бастапқы бағасы 100 мың рубль деп белгіленді. Бұл лот коллекционерлер мен тарихшылардың ерекше қызығушылығын тудырды. Белгілі саяси тұлғаларға тиесілі жеке заттардың аукциондарға шығарылуы тарихи мұра мен саяси мәдениетке қызығатын жандар арасында бұрыннан танымал үрдіске айналған.
Сонымен қатар, РЛДП партиясы өз брендін одан әрі дамытуда. 2025 жылдың наурызында партия «Жириновский» және «Жириновский навсегда» деген тауарлық белгілерді тіркеуге өтініш берді. Бұл брендтерді алкоголь және темекі өнімдері, киім-кешек, аяқ киім мен сувенирлер өндірісі саласында, сондай-ақ бөлшек сауда, жарнама мен электронды коммерцияда қолдану жоспарланып отыр.
Бұған қоса, 2025 жылғы сәуірде Ресей Үкіметі Владимир Жириновский атындағы стипендияны бекітті. Ол шығыстану мен мемлекеттік басқару мамандықтары бойынша білім алып жатқан студенттерді қолдауға арналған. Қаулыға Ресей Федерациясы Үкіметінің төрағасы Михаил Мишустин қол қойды.