RUS
SMARTNEWS.KZ басылымының хабарлауынша, танымал блогер әрі актриса Айжұлдыз Адайбековаға сырға салу рәсімі өтті.
Желі жұлдызы сырға салу мен құдалықты бір күнде өткізіп, қос қуанышты қатар атап өтті. Құда-құдағиларды сән-салтанатпен қарсы алған кеш көңілді әрі әсерлі сәттерге толы болды.
Айжұлдыздың анасы, өнер иесі Жанар Айжанова қызы мен күйеу баласына ақ тілегін арнап, бата берді:
"Бір жастықта қартайыңдар, үбірлі-шүбірлі болыңдар, ұстасқан қолдарын ажырамасын, бақытты болыңдар", – деді әнші.
Айта кетейік, Айжұлдыздың таңдауы – саяхатшы-блогер Сәкен Қағаровқа түскен. Жанар Айжанованың айтуынша, жастардың үйлену тойы сәл кейінірек өтеді.
“Күйеу баланың анасы дүниеден өтіп, сондай жағдай болып жатыр. Той күні әлі белгіленген жоқ. Осы күнге дейін балалардың тірлігіне араласқан емеспін. Бәрін өздері шешеді. Екеуінің де жасы 30-дан асты. Оқыған, көзі ашық ересек адамдар. Табыстары да бар. Өз ісінің мамандары. Клубта қаңғырып жүрген жоқ. Күйеу балам Сәкенге де ақырындап бауыр басып келемін”, – деген еді әнші.