RUS
SMARTNEWS.KZ басылымының хабарлауынша, Астаналық әйел Сирияға кетіп, қыздарын содырларға тұрмысқа бермек болғаны үшін сотталды.
Астана қаласының тұрғыны Сирияға кетіп, екі кәмелетке толмаған қызын террористік ұйым мүшелеріне тұрмысқа бермек болғаны үшін 7 жылға бас бостандығынан айырылды. Бұл туралы елордалық прокуратура мәлімдеді.
Тергеу материалдарына сәйкес, әйел Telegram мессенджеріндегі жабық чаттарда діни экстремизмді насихаттап, қарулы қақтығыстарды қолдаған пікірлер жазған. Ол Түркия арқылы Сирияға шығуға әрекеттеніп жатқан сәтінде Алматы әуежайында ұсталған.
Прокурор сотта оның терроризмді насихаттағанын және террористік топқа қосылуға дайындалғанын дәлелдейтін айғақтар ұсынды. Сот кінәсін толық дәлелдеп, оған жаза тағайындады — 7 жылға бас бостандығынан айыру.
Астана прокуратурасы азаматтарды терроризм мен экстремизм идеологиясынан сақ болуға және мұндай әрекеттердің 17 жылға дейін бас бостандығынан айыру жазасына әкелуі мүмкін екенін ескертеді.