RUS
SMARTNEWS.KZ басылымының хабарлауынша, Ресейдің Ангарск қаласында жасөспірімнің өліміне себеп болған заңсыз саунаның иесі сот шешіміне қарсы апелляциялық шағым түсірді.
Оқиға Ваня есімді 16 жастағы бозбаланың әжесіне «Уайымдама, мен қазір келем» деп үйден асығыс шығып кеткенінен басталған. Ол қайда бара жатқанын тек достары ғана білген. 10-сынып оқушысы досының туған күніне кешігіп бара жатқан. Туған күнді Ангарскідегі саунада атап өтпек болған. Достар көңіл көтермек болғанымен, кеш қайғылы аяқталды.
Ваня моншадан шығуға орнынан тұрған сәтте электр тоғымен қызған пешке құлап, бірден ток ұрып өлген. Дәрігерлер оның өмірін сақтап қала алмады.
Тексеру барысында аталған саунаның заңсыз жұмыс істегені және қауіпсіздік талаптарына сай келмейтіні анықталды. 2025 жылдың сәуір айында нысан иесі екі жылға мәжбүрлі еңбекке кесілді.
Марқұм Ваняны анасы жалғыз тәрбиелеген. Олар әкесімен ажырасқанымен, әкесі ұлының өмірінде белсенді қатысып отырған.
— Ұлым өте зерек, білімге құштар бала болды. Кітап оқығанды жақсы көретін, қоғамдық шараларға да атсалысатын. Қалада өтетін түрлі мерекелерге көмектесетін, – дейді 42 жастағы анасы Оксана.
Ваня сегізінші сыныптан бастап болашақ мамандығын анықтап, журналист болуды армандаған. Ол биыл 10-сыныпты аяқтауы керек еді.