«Мұрат соттан қашып ішіп кетті, ал әйелі алаяқ»: заңгер Мұрат Әбділда мен оның әйелі туралы шындықты айтты

SMARTNEWS.KZ басылымының хабарлауынша, Мұрат Әбділданың адвокаты Молдахан Әділетхан блогердің заңсыз әрекеттері мен оны қорғауға қатысты жаңа мәліметтерді жариялады.

Заңгердің айтуынша, Әбділда профилактикалық есепте тұрғанымен, оның тәртібі әлі де нашар болған.

«10 сәуірде Мұратты қамалу керек еді, біз оны ескерткен едік. Бірақ ол соттан қашты. Бәріне өзі кінәлі. Қайтадан ішімдікке әуестенді», - деді Молдахан Әділетхан.

Желі қолданушылары блогердің әйеліне көңіл бөліп, полицияның оның көзінше күштеп алып кеткенін сынап жатты. Алайда адвокат тың ақпаратты ұсынды:

«Әйеліне жандарың ашымай-ақ қойсын. Ол да алаяқтық бойынша істі болған, түрмеден шыққан. Бізбен Әсел деп танысқан, бірақ аты басқа болып шықты. Ол да профилактикалық тексеруде жүр» , – деп хабарлады заңгер.

Сонымен қатар, Молдахан Әділетхан Мұрат Әбділданың үйіне барып, оған тыныш жүруді ескерткенін, тіпті оның әйелі де оларды алдамақ болғанын мәлімдеді.

«Мұрат та тыныш жүрген жоқ. Оның үйіне дейін барып, тыныш жүр деп айтқанбыз. Тіпті, қатыны бізді алдамақ болды. Сол түбіне жетті. Еңіреп өтірік жыламай-ақ қойсын. Өзі 102-ге хабарласып, арыз жазған. Анасына обал болды. Өте жақсы кісі. Соңғы уақытта анасымен де хабарласпаған. Екі апта бұрын барғанбыз. Әйелімнің туған күні деп шақырды. Сөйтсек, ешқандай туған күні емес, аты да басқа адам болып шықты», – деді адвокат.