RUS
SMARTNEWS.KZ басылымының хабарлауынша, желіде актриса әрі дизайнер Айжұлдыз Адайбекованың ұзату тойынан бейнежазбалар тарады. Салтанатты шараға қалыңдық пен күйеу жігіттің жақындары, достары және танымал әріптестері қатысты.
Белгілі әнші, актриса Жанар Айжанованың қызы Айжұлдыз Instagram парақшасының сторис бөлімінде тойдан түсірілген ерекше сәттермен бөлісті.
Айжұлдыз ұзату тойында сәнді әрі ерекше образда бой көрсетті. Кешке арнап тігілген көйлегінің дизайнын өзі ойлап тапқан.
Күйеу жігіт — белгілі блогер Сәкен Қағаров болашақ енесі Жанар Айжановаға гүл шоғын табыстап, көпшіліктің көңілінен шықты.
Той барысында дәстүр бойынша қалыңдық пен күйеу жігіт вальс билеп, қонақтарға әсерлі сәт сыйлады. Сондай-ақ кеш қонақтарының арасында өнер иелері ән шырқап, думанды кештің көркін аша түсті. Әнші Ақбота Сейітмағамбет тойда арнайы өнер көрсетіп, салтанаттың сәнін келтірді.
