Wildberries маркетплейсінде сатылатын кремдерден «рак» тудыратын заттар табылды

SMARTNEWS.KZ басылымының хабарлауынша, Wildberries интернет-дүкенінде сатылатын La Roche-Posay маркалы кремдерден бензол табылды. Бұл зат қатерлі ісік тудыруы мүмкін дейді Ресей тұтынушылардың құқықтарын қорғау агенттігі.

Агенттік Effaclar Duo+M кремдерінің құрамында бензол бар екенін анықтаған. Бұл канцерогенді зат, адам денсаулығына зиянды және обыр ауруын туғызуы мүмкін. Мәліметтерге сәйкес, маркетплейс арқылы сатып алынған үлгі техникалық регламент талаптарына сәйкес келмейді.

Сонымен қатар, бұл брендтің өнімдері Қазақстанда да сатылады.