RUS
SMARTNEWS.KZ басылымының хабарлауынша, Рим Папасы Францисктің жерлеу рәсіміне тек мемлекет басшылары мен дін өкілдері ғана емес, босқындар, үйсіздер және түрмеде отырғандар да қатысты.
BBC журналисі Сара Рейнсфордтың мәліметінше, Папа Франциск кезінде Италиядағы түрмелерге жиі барып тұрғандықтан, кейбір сотталғандарға оның жерлеуіне қатысу үшін арнайы мүмкіндік берілген.
Жерлеу рәсіміне көптеген жас католиктер де келген.
— Біз кілемшелер мен ұйықтайтын қаптар алып, осында 400 адам болып түнеп шықтық, — деді алаңға алғашқылардың бірі болып кірмек болған 22 жастағы Жан-Батист Леклезио AFP агенттігіне берген сұхбатында.
Папа Францискті ақтық сапарға шығарып салуға әлемдік көшбасшылар да келді. Олардың қатарында Украина президенті Владимир Зеленский жұбайы Еленамен және АҚШ-тың бұрынғы президенті Дональд Трамп жұбайы Меланиямен бірге болды.
Зеленский мінген ұшақ жергілікті уақытпен таңғы сағат 07:00-де Римге қонды.
Сонымен қатар Ватиканға АҚШ-тың тағы бір бұрынғы президенті Джо Байден жұбайы Джиллмен бірге келген.