RUS
SMARTNEWS.KZ басылымының хабарлауынша, Ақмола облысында әйел психикалық ауытқуы бар асыранды баланы ұрып-соққаны үшін жазаланды.
Ақмола облысында асырап алған баласына күш көрсеткен әйелге айыппұл салынды.
Бурабай аудандық соты кәмелетке толмаған баланы тәрбиелеу міндеттерін орындамаған әйелге қатысты қозғалған қылмыстық істі қарады.
Сот деректеріне сәйкес, Щучинск қаласының тұрғыны С 2022 жылдың наурыз айында 2014 жылы туған, психикалық ауруы бар кәмелетке толмаған Ч-ны патронаттық тәрбиесіне алған. Алайда ол балаға қажетті күтім мен қамқорлық көрсетудің орнына жүйелі түрде оған күш қолданып отырған.
2024 жылдың қазан айында әйел баланың аяғын темір кетпенмен ұрып, дене жарақаттарын салған. Сот-медициналық сараптама нәтижесінде баланың денесінде сызаттар мен тыртық іздері табылған.
Сот шешімімен айыпталушы С 80 айлық есептік көрсеткіш (яғни 295 360 теңге) көлемінде айыппұл төлейтін болды. Сонымен қатар оған екі жылға педагогикалық қызметпен айналысуға және кәмелетке толмаған балалармен жұмыс істеуге тыйым салынды.