RUS
SMARTNEWS.KZ басылымының хабарлауынша, Ресейдің Петропавловск-Камчатский қаласында 17 жастағы жасөспірім зейнеткер әйелдің пәтерінің терезелерін атқылаған.
Ресейдің Ішкі істер министрлігінің Камчатка өлкесі бойынша департаментінің мәліметінше, 74 жастағы тұрғын полицияға белгісіз біреулердің оның пәтерінің терезелерін оқпен атқылағаны туралы шағым түсірген. Оқиға салдарынан 10 терезе әйнегі зақымданып, келген шығын мөлшері 80 мың рубльді құраған.
Жедел-іздестіру шаралары барысында құқық қорғау органдары күдіктінің жеке басын анықтады. Ол 17 жастағы жергілікті жасөспірім болып шықты. Қазіргі уақытта оған бөтен мүлікті қасақана бүлдіру бабымен қылмыстық іс қозғалды.
Полиция күдіктіні профилактикалық есепке қойды. Сонымен қатар, құқық қорғаушылар жасөспірімнің ата-анасымен профилактикалық әңгіме жүргізгенін және жәбірленушіге келтірілген залалды өтеу мәселесі қарастырылып жатқанын хабарлады. Қазіргі уақытта жасөспірімді мұндай әрекетке не итермелегені анықталуда.