«Видеода иығында сөмкесі бар»: Руслан Өтепбай куәгер Нұрбекованың өтірігін әшкереледі

«Шерзат Полат аса қатігездікпен қайтыс болған кезде оқиға орнында екі келіншектің болғанын білесіздер. Таяуда сот процесіне соның бірі куә ретінде шақырылды. Прокурор Эльмира Нұрбековадан неге полицияға, жедел жәрдемге хабарласпалыңыздар деп сұрақ қойған. 

Куәгер келіншек: «Жедел жәрдем, полицияға хабарласа алмадық, телефон сөмкеде болды, ал сөмке көлікте», деді. 

Алайда бұл ақпарат – жалған. Қылмыс күні таспаланған бейнебақылау камерасына зер салайық. Байқасаңыздар, жанжалдың басталған сәтінде екі келіншектің де иығында сөмке ілулі. Демек, екеуінің де сол сәтте-ақ полиция шақыра алатын мүмкіндіктері болған. Ертең Шерзаттың соты жалғасады. Сондықтан Сот пен прокурор, Шерзаттың адвокаттары бұл жайтты назарға алады деп сенемін», – деді журналист. 

Айта кетейік, Талғардағы 16 жастағы Шерзат Полаттың ісіне қатысты сот процесі жүріп жатыр.