RUS
SMARTNEWS.KZ басылымының хабарлауынша, оқиға еліміздегі физика-математика бағытындағы беделді мектептердің бірінде орын алды.
Емтихан күні ондаған оқушы мен олардың ата-анасы мектеп ауласынан тыс қалып қойды. Бұған оқушылардың емтихан басталуына кешігіп келуі себеп болды: белгіленген уақыт өткендіктен, мектеп қақпасы жабылып қалған.
Ата-аналардың кейбірі жағдайды өз бетінше «шешпек» болып, балаларын биік, үшкір тікенді қоршаудың үстінен лақтырып өткізбек болды. Бұл әрекеттер мектеп әкімшілігінің үлкен алаңдаушылығын туғызды.
Жағдайды байқаған мектеп өкілі жедел араласып, ата-аналарға қатаң ескерту жасады:
"Ересек адамдарсыздар ғой, баланы қалайша қоршаудан лақтырып өткізуге болады? Біз кейін есікті бәрібір ашамыз да, қайтадан қайтарып жібереміз. Барлығыңыз уақытты білдіңіздер. Кешіккендеріңізге өкініш білдіреміз, бірақ ережелер солай. Балаларды лақтырып өткіземін деп ойламаңыздар! Бұл өте қауіпті! Мына үшкір темірлерді қараңыздар!" – деді ол ата-аналарға нұсқап.
Оқиға бірден үлкен дауға айналып, ата-аналардың арасында пікірталас туғызды. Видео кадр сыртында бір әйел адам емтихан басталуына әлі 30 минут уақыт қалғанын айтқанымен, мектеп әкімшілігі өз ішкі тәртібі мен талаптарына сүйенген болатын.
Мектеп ресми мәлімдемесінде былай деп түсіндірді:
"Емтихан бірдей талаппен өтеді, және барлық оқушы алдын ала дайын болып келуі тиіс. Көптеген қарапайым мектептерде тәртіпке мұндай мән берілмейді, ал 'Айплюс' мектебінде балаларды дәл уақытылы келуге алдын ала тәрбиелейді. Сол себепті барлық ата-анадан емтиханға дайындықты және жолдағы мүмкін болатын кептелістерді ескеруді сұраймыз", - дейді.