RUS
SMARTNEWS.KZ басылымының хабарлауынша, Amazon технологиялық алыбы Жерге жақын орбитаға 27 спутникті сәтті ұшырды. Бұл — компанияның Kuiperатты ғаламдық интернет-жобасының алғашқы кезеңі ғана.
Жоба аясында жалпы саны 3236 спутник ұшыру көзделіп отыр. Мақсат — алдымен АҚШ аумағын, кейін бүкіл әлемді жоғары жылдамдықты интернетпен қамту.
10 миллиард долларлық бұл бастама Starlink жүйесімен тікелей бәсекелеске айналмақ. Илон Масктың жобасы бірнеше жыл бұрын іске қосылып, қазіргі таңда орбитада 6500-ден астам спутникке ие. Ал Amazon алғашқы қызметтерін 2025 жылдың соңына қарай ұсынбақ.
Компания бұған дейін 2023 жылы алғашқы екі сынақ спутнигін ұшырған. Ал қазіргі 27 спутник — олардың жетілдірілген нұсқасы. Олар Жер бетінен 630 шақырым биіктікте орнатылған.
Бірақ спутник санының күрт артуы астрономдар арасында алаңдаушылық тудыруда. Олар бұл құрылғылардың телескоптық бақылауға кедергі келтіретінін, тіпті орбитадағы соқтығыстарға әкелуі мүмкін екенін ескертуде.