RUS
SMARTNEWS.KZ басылымының хабарлауынша, Атырауда 46 жастағы әйелді өлтірген 38 жастағы ер адамның суреті жария болды. Суретті атыраулық блогер Рүстем Баязиев жариялады.
Айта кетейік, Атырау қаласындағы «Француз кварталы» тұрғын үй кешенінде орын алған жан түршігерлік оқиға қоғамда үлкен резонанс тудырған еді. Аталған қайғылы оқиғаға байланысты күдіктінің фотосы Instagram желісінде таралып, оны атыраулық блогер Рүстем Баязиев жариялады.
Блогердің айтуынша, күдікті марқұм тұрған үйде сантехник болып жұмыс істеген. Ол пәтерге кіріп, әйелді өлтіріп, мүліктерін алып кеткен деген болжам бар.
Марқұмның денесінде зорлық-зомбылық белгілері анықталған. Полиция 1987 жылы туған күдіктіні ұстағанын мәлімдеп, оған қатысты ҚР Қылмыстық кодексінің «кісі өлтіру» бабымен іс қозғалды.
Еске салайық, Атыраудағы элиталы үйлердің бірінде 46 жастағы жүкті әйел Бибігүл Шпанованы бәзбіреу аяусыз өлтіріп, құнды заттарын тонап кеткен еді. Адам құқықтары жөніндегі бюроның хабарламасына сай, марқұм әйел 1979 жылы туған және NCOC компаниясында бөлім басшысы қызметін атқарған. Ол көп жыл бойы мұнай-газ саласында жұмыс істеген. Алдын ала деректер бойынша, марқұм жүкті болған.