RUS
SMARTNEWS.KZ басылымының хабарлауынша, продюсер Баян Мақсатқызының «Алтын ханым-2025» шоуына қатысуға 3 мың әйел өтініш білдірген еді. Алайда олардың 27-сі ғана іріктеуден сүрінбей өткен. TikTok қолданушысы танымал продюсер Баян Мақсатқызының аталған жобасын сынап, ренішін жеткізді.
«Баян Мақсатқызы неліктен жобасына тек блогерлер мен бизнесмен әйелдерді қатыстырады?! Ол онсызда танымал емес пе?! Өзімнің 1 метр 80 сантиметрлік бойыммен барлық стандартқа сай келемін деп ойладым. Бірақ ең бірінші әлеуметтік желіде оқырмандарың болуы керек екен. Одан кейін қатысу үшін ақша төлеуді талап етеді», – деп жазды Сұлушаш есімді келіншек.
Сонымен қатар, желі қолданушысы мұндай жобалар жаңа жұлдыздарды шығару керек екенін де айтты.
«Мисс Қазақстан» қарапайым қыздар өзінің жұлдызын жаға алатын жоба болуы керек. Ал біздің елде бойы кішкентай болса да модель болып жүргендер бар», – деді желі қолданушысы.