RUS
SMARTNEWS.KZ басылымының хабарлауынша, Орал қаласындағы көпқабатты үйдің ауласында 9 жасар баланы ток соғып, ауыр хәлде ауруханаға түсті. Қайғылы оқиға 30 сәуір күні Исатай-Махамбет көшесіндегі №82 үйдің жанында болған.
Куәгерлердің айтуынша, баланың добы сымға ілініп қалған. Оны алу үшін ол электр қосалқы стансасының төбесіне шыққан. Сол жерде оны ток ұрған.
1 мамыр күні БҚО Денсаулық сақтау басқармасы баланың жағдайының өте ауыр екенін хабарлады.
– Қазір ол облыстық көпбейінді балалар ауруханасында жасанды тыныс алу аппаратында жатыр. Денесінің 95%-ын күйік шалған, күйік дәрежесі – төртінші, – делінген басқарма мәліметінде.
Полиция департаменті бұл оқиға бойынша қылмыстық іс қозғалғанын, тергеу жүріп жатқанын хабарлады.