RUS
SMARTNEWS.KZ басылымының хабарлауынша, белгілі әзілкеш Нұрболхан Шарапов Instagram парақшасында қан-жоса боп, жарақат алған суретін жариялады. Жазбасында ол соңғы уақытта әлеуметтік желіде белсенді болмауының себебін түсіндірді.
— Инстаграмға шықпай қоюымның себебі – осы. Мен бұны жай қалдырмаймын. Соңына дейін барамын, – деп жазды Шарапов.
Суретте оның ауыр соққыға жығылғаны байқалады. Әзірге нақты не болғаны белгісіз. Ол оқиғаның мән-жайын ашып айтпаған.
Желі қолданушылары әзілкешке қолдау білдіріп, тезірек сауығып кетуін тілеуде. Ал әзірге Нұрболханның кімнен және не үшін зардап шеккені туралы ресми ақпарат жоқ.