RUS
SMARTNEWS.KZ басылымының хабарлауынша, АҚШ-тың бұрынғы президенті Дональд Трамп тағы да жұртты таңғалдырды. Ол Truth Social парақшасына өзін Рим Папасы бейнесінде көрсеткен эпикалық суретті жариялады. Суретте Трамп алтын тақта отырып, папалық шапан киіп, басына митра (Папаның ресми бас киімі) киіп алған. Көкірегінде алып крест, қолында – папалық жүзікке ұқсайтын сақина.
Сурет ешқандай түсініктемесіз жарияланған. Трамп әдеттегідей оқырмандарына қиялға ерік беріп, пікірталасқа орын қалдырған. Кейбіреулер бұл суретке күлсе, енді бірі шынымен ойланып қалды.
Айта кетерлігі, бұл фотопостты жариялау уақыты да көпшілікке оғаш көрінді – себебі 21 сәуірде Рим Папасы Франциск дүниеден өтті. Трамп тіпті Ватиканда өткен жерлеу рәсіміне қатысқан болатын. Бұған дейін де ол әзілдеп, «бос тұрған лауазымды өзім-ақ алып кетсем бе» деп қалжыңдаған еді.
Интернетте бұл жарияланымға реакция лезде тарады. Кейбіреулер «қиялы шексіз адам» деп әзілдесе, енді бірі түрлі мемдер жасап жатты. Бірақ кейбір қолданушылар реніш білдірді: «Дінмен ойнауға болмайды» деген пікірлер де айтылды.
Дегенмен, Трамптың бұл әрекеті ешкімді бейжай қалдырған жоқ – бұл жолы да ол ақпарат кеңістігінің ортасында тұр.