Ресейде жаңа көліктер бұрын-соңды болмаған арзан бағаға түсті

SMARTNEWS.KZ басылымының хабарлауынша, 2025 жылдың сәуірінде Ресейде жаңа автокөліктер бағасы соңғы бірнеше жылда болмаған деңгейге дейін төмендеді. Бұл туралы ТАСС агенттігі мәлімдеді.

Автоэксперт Игорь Моржареттоның айтуынша, қазір тіпті 2024 жылғы жаңа қытай көлігін 1,3 млн рубльден (шамамен 6,3 млн теңге) басталатын бағамен сатып алуға болады.

Сарапшы бағаның төмендеуін бірден бірнеше себеппен түсіндіреді. Біріншіден, соңғы айларда Қытайдан көп мөлшерде көлік тасымалданған, алайда сұраныс төмен болғандықтан, олардың едәуір бөлігі дилерлік қоймаларда қалып қойған. Соның салдарынан сатушылар бағаны төмендетуге мәжбүр.

Екіншіден, елдегі авто нарық жалпы тоқырауға ұшыраған. 2025 жылдың алғашқы тоқсанында жаңа көлік сату көлемі 27%-ға азайып, 287 мыңнан сәл асқан. Тек наурыз айының өзінде сату көлемі 45%-ға құлдыраған.

Нарықтағы жағдай былай бөлінеді:

• Жеңіл көліктер: –26% (245 мың дана);

• Жеңіл коммерциялық көліктер (LCV): –16% (24,3 мың дана);

• Жүк көліктері: –46% (15,4 мың дана);

• Автобустар: –55% (2,5 мың дана);

• Электромобильдер: –67% (2,1 мың дана).

«Автостат» агенттігінің басшысы Сергей Целиков Telegram-арнасында жазғандай, жаңа көліктерге сұраныстың күрт төмендеуіне автонесиелердің жоғары пайыздық мөлшерлемесі себеп. Жүргізілген сауалнама нәтижесінде бұл себепті респонденттердің 63%-ы атаған.