RUS
Марафонға қатысушылар мен 50-ге жуық серіктес компанияның қолдауымен 200 миллион теңгеге жуық қаражат жиналып, бұл қаражат Астанада инклюзивті білім беруді қолдау мақсатында жаңа кабинеттер ашуға бағытталады. Қаражат үш мың қатысушының жарналары мен марафонды қолдаған 50 серіктес компаниялардың көмегімен жиналды.
Өткен жылы марафонда 127 миллион теңге жиналып, нәтижесінде Астананың бес мектебінде инклюзивті кабинеттер ашылды. Сонымен қатар, марафоннан кейін инклюзияның өзектілігін ескере отырып, «Самұрық-Қазына» компаниялар тобының атынан тағы 6 кабинет ашылды. Бүгінде жалпы саны 11 кабинет бар, олар 500-ге жуық баланы инклюзивті біліммен қамтамасыз етеді.
Кабинеттердің концепциясы «Samruk-Kazyna Trust» қоры мен инклюзия саласындағы сарапшылармен бірлесіп жетілдірілді. Әр кабинетте дефектолог, логопед, психолог, керамика шеберханасы, open space форматындағы релакс-аймақ және жеке физиотерапия кабинеті бар.
