RUS
SMARTNEWS.KZ басылымының хабарлауынша, Шымкенттегі Тұлпар көлінің жағасында биіктігі шамамен 80 метр болатын жаңа субұрқақ пайда болды.
Бұл туралы қала әкімі Ғабит Сыздықбеков Instagram парақшасында:
«Бұл идея бұрыннан ойымызда жүрді. Қаламызда есте қаларлық, көз тартар, ерекше бір су нысаны болса деп армандадық. Тіпті Женева субұрқағынан кем түспейтіндей. Біз бұл жобаны табиғатпен үйлесіп тұратын, қаланың жаңа символына айналатын нысан ретінде жүзеге асырғымыз келді», – деп жазды.
Субұрқақ автоматты режимде белгілі бір кесте бойынша жұмыс істейді.
Әкім Ғабит Сыздықбековтің айтуынша, бұл жаңа көрнекті орын қала тұрғындары мен қонақтарының қызығушылығын тудырып, шабыт алатын, бас қосатын және түрлі іс-шаралар өтетін тартымды алаңға айналады деп күтілуде.