RUS
SMARTNEWS.KZ басылымының хабарлауынша, Ташкентте 61 жастағы мұғалім оқушысын азғырып, жазаланды.
Ташкент қаласында 61 жастағы физика пәнінің мұғалімі кәмелетке толмаған 10-сынып оқушысына екі жыл бойы сөз салып, мазалап келгені үшін жауапқа тартылды. Ер адам қыздың соңынан аңдып, оған сүйіспеншілікке толы хабарламалар жіберіп отырған.
Қыз анасына бұл жайында айтпаған — өйткені анасы сол кезде әкесінің өлімінен кейінгі қаралы кезеңді бастан кешіріп жүрген.
Сот отырысында мұғалім оқушыға ерекше сезіммен қарағанын мойындап, оның өміріне зиян келтіру ниеті болмағанын алға тартты.
Мирзо-Улугбек ауданының қылмыстық істер жөніндегі соты ұстазды Әкімшілік кодекстің 41-1-бабы ("Жыныстық сипаттағы қысым көрсету") бойынша 5 тәулікке қамауға алу туралы үкім шығарды.