06.05.2025, 16:49 1423

Нұрлан Еспановтың ұлы сүйіктісімен заңды некеге тұрды (ФОТО)

Желіде хайп арқылы танылған Олжас некесін қидырды.

SMARTNEWS.KZ басылымының хабарлауынша, Нұрлан Еспановтың ұлы Олжас сүйіктісімен заңды және шариғат некесін қидырды.

Танымал әнші Нұрлан Еспановтың ұлы, Олжас Еспанов өміріндегі маңызды қадам жасап, сүйіктісімен заңды түрде некеге отырды. Ол бұл қуанышты жаңалығын өзінің Instagram парақшасында бөлісіп, көпшіліктің ыстық ықыласына бөленді.

Жас жұбайлар алдымен АХАЖ бөлімінде заңды түрде некелерін тіркеп, неке куәлігін алған. Кейіннен олар мешітке барып, мұсылманша неке қидыру рәсімін өткізген. Ислам талаптарына сай өткен бұл рәсімді Ерлан Ақатаев есімді ұстаз жүргізіп, жас отбасына батасын берді.

"Бүгін некемізді Ерлан Ақатаев ұстаз қиды. Алла разы болсын ұстаз! Қайырлы, берекелі неке болғай", – деп жазды Олжас өзінің парақшасында.

Олжас Еспановтың жариялаған фотосуреттерінен жас жұбайлардың қуанышты әрі ерекше сәттерді бастан өткеріп жатқанын байқауға болады. Желі қолданушылары да бұл қуанышты жаңалықты жылы қабылдап, жас отбасыға жүрекжарды тілектерін жаудырды.

"Құтты болсын!", "Бақытты болыңдар!", "Қадамдарыңызға гүл бітсін!", – деген тілекпен оқырмандар пікір қалдырып, ізгі ниеттерін білдірді.

#Нұрлан Еспанов #Олжас Еспанов #шоу-бизнес #әлеуметтік желі

Бөлісу

Telegram VK WhatsApp

Материал авторы

Азиз Қалижан Редактор