RUS
SMARTNEWS.KZ басылымының хабарлауынша, "Ұлы дала: Османдар", "Ғаламат ғасыр", "Бозторғай" секілді жобаларда басты рөлдерде ойнаған танымал түрік актері Бурак Өзчевит қазақстандық бүлдіршіннің тұсауын кесті.
Қуандық Шынтеміров есімді отандық заңгер Instagram желісіндегі жеке парақшасында әйгілі түрік актері қазақтың тұсау кесу дәстүріне ат салысқанын жазып, жазба жариялады.
"Қазақтың керемет дәстүрі — "Тұсау кесу" дәстүрі! Бурак Өзчевит, рахмет! Tusau kesu dasturi @burakozcivit Teşekkürler!", - деп жазған Шынтеміров қазақстандық балақайды көтеріп алған актердің суреттері мен видеосын жария етті.
Бұл жазбаны көрген желі қолданушылары бүлдіршінге ақ тілектерін жаудырды.
"Қадамы оң болсын, әрқашан жолы ашық болсын. Құтты болсын", "Бастысы батырымыз аман болып, Бурак сияқты әлемге танымал болсын", "Балапан үлкен жігіт болып, қазақтың атын әлемге танытсын", - деп жазды желі қолданушылары.