RUS
SMARTNEWS.KZ басылымының хабарлауынша, Қазақстанда дайындалып жатқан жаңа Салық кодексі шағын және орта бизнесті қолдауға бағытталған.
Соның ішінде ең маңызды жаңалықтардың бірі – енді салық бойынша аздаған берешек үшін кәсіпкердің банктік шоттары бұғатталмайды.
Қазір шотқа шектеу қою үшін 1 теңге берешек те жеткілікті болса, енді бұл тәртіп өзгереді. Жаңа құжатқа сай:
- 20 АЕК-ке дейінгі берешек үшін тек ескерту беріледі және өсімпұл салынады – шот жабылмайды;
- 20–45 АЕК аралығында – ескерту мен өсімпұлға қоса, шот уақытша бұғатталады, инкассалық өкіменгізіледі;
- 45 АЕК-тен жоғары берешек кезінде мүлік тәркіленіп, шетелге шығуға шектеу қойылуы мүмкін, тіпті банкроттық рәсімі де қарастырылады.
Бұл өзгерістер бизнестің тынысын тарылтпай, қарызды жабуға мүмкіндік беру үшін енгізіліп отыр.