Астанада ЖИ және робототехника бойынша алғашқы халықаралық конференция өтуде

09.05.2025, 15:51
506
Астанада ЖИ және робототехника бойынша алғашқы халықаралық конференция өтуде NU Баспасөз қызметі

Медицинада жасанды интеллектті және робототехниканы қолдану, хирургиялық роботтар, роботты оңалту жүйелері – осы тақырыптардың барлығы ЖИ және робототехника бойынша 1-ші халықаралық конференцияның (AIR) назарында.

SMARTNEWS.KZ басылымының хабарлауынша, іс-шара 2025 жылдың 9-11 мамырында Nazarbayev University (NU) кампусында өтуде. Оны NU жанындағы Медициналық робототехника зерттеулерін өткізетін құзырет орталығы (CEMRR) және The Soft Computing Research Society ұйымы бірлесіп ұйымдастырып отыр.

ҚР Цифрлық даму, инновациялар және аэроғарыш өнеркәсібі министрі Жаслан Мәдиев өзінің құттықтау сөзінде атап өткендей, Қазақстандағы медициналық технологиялар нарығы 747,5 миллион АҚШ долларына бағаланады, сонымен қатар ЖИ мен медицинадағы робототехниканың әлеуеті зор.

«AIR 2025 конференция аясында өтетін талқылаулар біздің министрліктің негізгі басымдықтарымен тікелей сәйкес келеді: олар ЖИ стратегиясы, цифрлық инфрақұрылым, инновациялық платформалар, киберқауіпсіздік және адами капиталды дамыту. Біз Назарбаев Университетінің экожүйесіне ұқсас ғылыми экожүйелерді дамытуға қолдау көрсетуге тырысамыз. Медициналық робототехника зерттеулерін өткізетін құзырет орталығының (CEMRR) және оның халықаралық серіктестерінің жұмысы біз «қолданбалы инновация» деп атайтын – ұлттық қажеттіліктер мен жаһандық сын-қатерлерді бір уақытта қарастыратын зерттеулердің жарқын мысалы болып табылады», - деді министр.

Орталықта зерттуелуерді жасайтын ғалымдар мен студенттерден құралған топтар мүгедектерді емдеудің роботтық әдістерін әзірлеуде, хирургияны автоматтандыру және жасанды интеллект негізіндегі есептеу әдістемесі бойынша жобаларды жүзеге асыруда, әсіресе ортопедия және онкология сияқты салаларда. Екі жыл ішінде Орталық 6 беделді зерттеу грантын жеңіп алды және Колумбия университеті, Лидс университеті, Квинсленд технологиялық университеті және Шанхай университеті сияқты беделді институттармен серіктестік орнатты.

«Біз ортопедия мен онкологияда компьютерлік көруді пайдалана отырып, медицинадағы ЖИ әлеуетін зерттеп жатырмыз. Орталықта біз оңалту және хирургиялық роботты құрылғыларға арналған роботтық жүйелерді, соның ішінде ұзын сүйек сынықтарын қайта орналастыруға арналған роботты әзірледік, сонымен қатар пациенттердің жүруін қалпына келтіруге арналған роботты жасап, коммерцияландырудамыз», - деді CEMRR орталыңғының ғылыми жетекшісі, NU қауымдастырылған профессоры Прашант Джамвал.

Үш күндік ғылыми конференция бағдарламасы тақырыптардың кең ауқымын қамтиды, оның ішінде алдыңғы қатарлы зерттеулердің 100-ден астам презентациялары, сондай-ақ 18 елдегі 95 ғылыми мекеме өкілдерінің жетекші ғалымдарының баяндамалары бар.  Медициналық сенсорлар және MedTech құрылғыларының интеграциясы бойынша маманданған Зиген университетінің (Германия) профессоры Бхаскар Чубей айтып береді, ал атақты онкология және цифрлық патология бойынша сарапшы профессор Бхарат Джасани (Кардифф университеті) диагностика мен трансляциялық зерттеулердегі ЖИ құралдарына баса назар аудара отырып, дербестендірілген медицинаның дамуы туралы айтады.

Сондай-ақ конференцияда Жаңа Оңтүстік Уэльс университетінің (Австралия) профессоры Роланд Геккенің денсаулық мониторингінде эмоциялар мен бет-әлпетті тану технологиясын пайдалану туралы баяндамасы болады. Лидс университетінің профессоры Шан Се киілетін құрылғылар, телемедицина және ЖИ диагностикасы саласындағы соңғы жаңалықтарды ұсынады.

NU платформасы ғалымдарға, зерттеушілерге және кәсіпқойларға идеялармен алмасуға, байланыс орнатуға, ЖИ және робототехника саласындағы алдыңғы қатарлы зерттеулер мен инновацияларды зерттеуге мүмкіндік береді. Конференция материалдары Springer басылымда шығып, SCOPUS, DBLP, INSPEC сияқты танымал платформаларда индекстеледі.

«Анам жылап жіберді»: әнші Бүркіт төртінші сәбиін перзентханадан ерекше қарсы алды (ВИДЕО) Психдиспансерде есепте тұрған ер адам полицейдің мойнын орып жіберген «4 ай жоспарлаған»: Көкшетауда 23 жастағы күдікті бастықтың ұрысқанын көтере алмай оны өлтіріп кеткен Мысыр әуежайында көз жұмған Ақмарал Мұқанованың денесі елге жеткізілмек «Шерзатты ұрған жоқпын, өзі шалынып қалды»: Абзал Шынасыл кімді пышақтағанын айтты Сирияны қайта аяққа тұрғызу үшін барлық санкциялар алынып тасталды Magnum дүкендерінде рейд жүргізіп, ақша бопсалаған блогер сотталып кетті «Найзағай мен бұршақ»: Еліміздің барлық өңірінде дауылды ескерту жарияланды Instagram-дағы жанжалдан кейін жасөспірімді өлімші етіп ұрып, өлтіріп кеткен Әскери-техникалық мектепке – 25 жыл «Бас сүйек-ми жарақаттанған»: Ақтауда қауіпті ойыннан кейін оқушы ауыр жарақат алды Астанада дұрыс тамақтану тақырыбында отбасылық аспаздық мереке өтті Әзілкеш Нұрсұлтан Жақсыгеннің бұрынғы әйелі күйеуінің 8 ай алимент төлемегенін айтты Блогерлердің жарнамасына сенген ата-аналар алданып қалған (ВИДЕО) Қордайда 15 жастағы қызды өз әкесі мен кіндік әке-шешесі зорлаған (ВИДЕО) BI Group басшысы сүттің кесірінен дертке шалдыққанын айтты «Албасты деді»: Меруерт Түсіпбаева халық әртісі Майра Ілиясовадан кешірім сұрады Оралда жазасын өтеуші түрме ауласында жалаңаш жүрген (ВИДЕО) «17-қабаттан лақтырамын деп қорқытты»: Ақтауда ер адам әйелін сағаттар бойы азаптаған Трамп пен Путин 2 сағат бойы не туралы сөйлесті? АҚШ келесі келіссөз соңғы деп сендірді