RUS
SMARTNEWS.KZ басылымының хабарлауынша, Зеленский Путинді 15 мамыр күні Стамбұлда күтетінін мәлімдеді. АҚШ президенті Дональд Трамп бұған дейін Украина мен Ресейді «шұғыл кездесуге» шақырған болатын.
Украина президенті Владимир Зеленский 15 мамырда Түркияда Ресей президенті Владимир Путинмен тікелей кездесуге дайын екенін айтты.
«Біз ертеңнен бастап толық әрі ұзақ мерзімді атысты тоқтатуды күтеміз – бұл дипломатиялық шешімге жол ашуы керек. Адам өлтіруді созудың еш мәні жоқ.
Мен бейсенбі күні Путинді Түркияда, жеке кездесуге күтемін. Бұл жолы Ресей сылтау айтпайды деп үміттенемін», – деді Зеленский.
Кешкі үндеуінде ол тағы да:
«Біз Ресейден нақты жауап күтеміз. Бұл соғысты тоқтатуға тура келеді. Қан төгуді доғару керек. Егер Ресей жауап бермесе, Украина әскерлері әділ әрі тең жауап беруге дайын», – деді.
Президент әкімшілігінің басшысы Андрей Ермак та пікір білдіріп:
«Алдымен – атысты тоқтату. Қалғанын кейін көреміз.
Президент Зеленский соғысты тоқтату үшін барын салуға дайын және Путинді бейсенбіде күтеді.
Ал Путин ше? Қорқа ма? Көре жатармыз», – деді.
АҚШ президенті Дональд Трамп бұған дейін:
«Путин атысты тоқтату келісіміне келгісі келмейді. Ол бейсенбі күні Түркияда кездесіп, қанды соғысты тоқтату туралы келіссөз жүргізгісі келеді. Украина бұған КЕШІКПЕЙ келісуі тиіс. Кем дегенде, келісімге келу мүмкін бе – соны анықтап алсын. Егер келісе алмаса, Еуропа мен АҚШ жағдайды нақты бағалап, тиісті әрекет ете алады. Мен Украина Путинмен келіссөзге барады ма, жоқ па – күмәндана бастадым. Путин болса, Екінші дүниежүзілік соғыстағы жеңісін тойлап жүр. Ол жеңіс АҚШ-сыз мүмкін болмас еді. ЖҮЗДЕСІҢДЕР. ДЕРЕУ!!!», – деп мәлімдеген.
Айта кетейік, жексенбі кешкісін Украинада әуе дабылы қосылып, Сумь облысында жарылыстар болғаны хабарланды.
Кремль әзірге бұл мәлімдемелерге ресми жауап берген жоқ.