RUS
SMARTNEWS.KZ басылымының хабарлауынша, Ресейдегі Самараның экс-мэрі Виктор Тархов пен оның әйелі Натальяның өліміне қатысты тергеу төрт айдан бері жалғасып келеді.
Өз ата-әжесін өлтірген күдікпен Екатерина Тархова қамауға алынды. Тергеу барысында оның өз қылмысын жасыру үшін туыстарының мүліктерін сатқандығы анықталды.
Екатерина Тархова өз атасының мұнай компаниясынан дивидендтерді заңсыз алып, ескі иконалар мен жиһаздарды сатумен айналысқан. Бұл әрекеттердің барлығы қаржылық мүдде мен жеке пайда алу үшін жасалған.
Айта кетейік, Самараның экс-мэрінің өлімі туралы хабар 5 ақпан күні белгілі болды. Құқық қорғаушылардың басты күдікті ретінде Виктор Тарховтың туған немересі Екатерина аталды.
Тергеу нұсқасы бойынша, Екатерина өз ата-әжесін жылжымайтын мүлік үшін өлтірген болуы мүмкін. Бастапқыда марқұмдардың денесін табу мүмкін болмады. Бірнеше ай бойы полиция олардың денелерін Самара облысындағы «Преображенка» қоқыс полигонынан іздеді.
Іздеу жұмыстары наурызда бір-ақ тоқтатылды.
«Наурыз айының соңында полигонда қардың еруінен балшыққа батып қалдық, ал сәуірдің басында шіріп кеткен қоқыстардан өрт шықты», — деп хабарлайды «Волга Ньюс» өз дереккөзіне сілтеме жасап.
Болжам бойынша, бұрынғы қала басшысы мен оның әйелі 2025 жылдың қаңтар айының басында өлтірілген. Алғашқылардың бірі болып Виктор Тарховтың досы дабыл қаққан. Ол соңғы сәтке дейін досының тірі екеніне сенген.
Күдікті Екатерина Тархованың анасы, марқұмдардың жалғыз қызы Людмила осы іс бойынша жәбірленуші деп танылды. Қазіргі уақытта оның өзі колонияда отыр. Себебі ол 2022 жылы 200 миллион рубль көлемінде қомақты пара талап еткендігі үшін сотталған. Людмила Тархова өз ата-анасының өлімін колонияда отырып білген. Ол өз қызының қамауда қалуын қолдап, тергеуді бақылап отыр.
Қазір Екатерина Тархова тергеу абақтысында отыр және оған қосарланған кісі өлтіру айыбы тағылды. Оның алты жасар ұлы балалар үйінде тәрбиеленуде.
Бұған дейін немересі өлтіріп кеткен экс-әкім мен әйелінің мәйіті қоқыс полигонынан әлі де табылмай жатқанын жазған едік.