RUS
SMARTNEWS.KZ басылымының хабарлауынша, белгілі әнші Төреғали Төреәлінің қарындасы, блогер Фариза Төреәлі елордадағы жаңа пәтерінде екі қуанышты оқиғаны қатар атап өтті. Ол – қызының тұсаукесері мен жаңа баспанаға қоныстануы. Фариза бұл ерекше сәттерді жақындары мен туыстарының ортасында атап өтіп, желіде бөлісті.
Той Астанадағы жаңа пәтерде өтті. Блогер арнайы видео түсіріп, әлеуметтік желідегі оқырмандарына өзінің қуанышымен бөлісті. Видеодан байқағандай, тұсаукесер мен қоныс той сән-салтанатпен, ерекше дизайнда ұйымдастырылған.
Мерекелік дастархан мен декордың басты түсі – сары. Қонақтар да, шаңырақ иелері де осы түсті киім киіп, стильді атмосфера жасаған. Бұл – Фаризаның үй ішіндегі интерьерімен де үйлескен ерекше шешімі.
Шара барысында Фариза Төреәлі қонақтарына жаңа үйін көрсетіп, "рум-тур" жасап шықты. Интерьер заманауи стильде безендірілген, кең әрі жарық пәтер желідегі жұрттың қызығушылығын тудырды.
Желі қолданушылары блогерге ақ тілектерін жаудырып, "Қызыңыздың қадамы құтты болсын", "Жаңа шаңырағыңыз шаттыққа толы болсын", – деген пікірлер қалдыруда.
Ол былтыр 1 жасқа толған қызына Астанадан пәтер сыйлаған еді.