RUS
SMARTNEWS.KZ басылымының хабарлауынша, 12 мамыр күні, Гиннестің рекордтар кітабына жеті рет енген, Ақтаудан шыққан белгілі спортшы Ильдар Ягьяев Ұлыбританиядан бес жылға саяси баспана алғанын Lada.kz редакциясына айтып берді.
Ильдардың айтуынша, ол екі сұхбаттан өтіп, Ұлыбритания үкіметінен бес жылдық тұруға рұқсат құжатын (residence permit) алған.
«Иә, достар, біз бұл белесті бағындырдық. Маған саяси баспана берілді. Әлі де тұла бойым шымырлап тұр. Бұл – менің өмірбаянымдағы тағы бір тарау. Адвокатсыз, схемасыз, жалған некесіз – бәрі тек мінезімнің арқасы. Жүздеген күн – күніне 12 сағат фермада, ыстықта да, суықта да.
Ондаған бас тарту: «құжат жоқ», «үміт жоқ». Жүздеген түн – алаңдаумен, тыныштықта, ертең не болатынын білмей. Енді менде бес жылдық тұруға рұқсат бар. Саяхатқа арналған төлқұжат, жеке іс бастау мүмкіндігі, үздік университеттерге түсуге жол ашық», – деп бөлісті Ильдар Ягьяев.
Ильдардың айтуынша, ең басты артықшылық – отбасын Ұлыбританияға көшіріп, балаларын қайта құшағына алу мүмкіндігі.
«Енді сіздерде де таңдау мүмкіндігі бар – қайда өмір сүру, қайда оқу, қайда арман құру. Мен сіздер үшін болашаққа апарар жолды аз да болса жеңілдеттім. Бұл – тек бастамасы. Маған сенгендерге – рахмет. Күмәнмен қарағандарға да – рахмет. Бәріңіз осы жолдың бір бөлшегісіздер.
Ең маңыздысы, айтқым келетіні, достар: ешқашан берілмеңіздер. Дәл бәрі бітті деп ойлаған сәтте, сен әбден шаршаған кезіңде – табыс келеді. Тағы бір қадам жасаңыз. Мұра үшін. Осы сәт үшін. Ішкі жарылыс, тек сіз еститін әуен үшін. Деміңді ішке тартқызатын, денеңді тітіркентетін сезім үшін. Өйткені өмір – дәл сол үшін берілген», – деді спортшы.
Еске сала кетейік, Ильдар Ягьяев 2023 жылы Ұлыбританияға табыс табуға кеткен. Барған соң фермада салат жинау жұмысымен айналысқан.