RUS
SMARTNEWS.KZ басылымының хабарлауынша, Жамбыл облысы денсаулық сақтау басқармасы өкілдері Таразда соққыға жығылған Алматы облысы Іле аудандық мәслихатының депутаты Нұрлан Байғазиевтің жағдайы туралы айтты.
Ведомствоның баспасөз қызметінің хабарлауынша, қалалық көп бейінді ауруханаға жақ сүйегі сынған, терісінде жарақаты жоқ науқас түсті.
Жарақат алған адам мекемеде кешкі сағат 19:00 мен түнгі сағат 01:00-ге дейін болған. Қабылдау бөлімінде медициналық көмек толық көлемде көрсетілді.
"Оған әрі қарай тексеру, бақылау және қажетті медициналық көмек көрсету үшін ауруханаға жатқызу ұсынылды, бірақ ол емдеуден үзілді-кесілді бас тартты. Дәрігерлер бас тартудың ықтимал салдарын, оның ішінде асқыну қаупі барын түсіндірді, бірақ науқас саналы түрде шешім қабылдап, ауруханадан шықты", - деп атап өтті облыстық денсаулық сақтау басқармасы өкілдері.
Еске сала кетейік, бұған дейн Таразда аудандық мәслихат депутаты соққыға жығылғаны туралы желіде ақпарат тарағанын жазған едік. Полиция бұл фактінің болғанын растады.