RUS
SMARTNEWS.KZ басылымының хабарлауынша, 2022 жылдың басынан бастап Германияға 6374 ресейлік азамат босқын мәртебесін сұрап өтініш берген. Алайда тек 349-ына ғана босқын мәртебесі немесе депортациядан қорғайтын құқықтық статус берілді. Бұл туралы ГФР Ішкі істер министрлігі Левтер партиясының депутаты Клара Бюнгердің сұранысына жауап ретінде мәлімдеді. Мәліметтерді 13 мамырда Berliner Morgenpost және Funke медиатобы жариялады.
Босқын мәртебесін сұрағандардың барлығы — 18 бен 45 жас аралығындағы ер адамдар. 349 адамға елінде қауіп төніп тұрғаны үшін қосымша қорғаныс құқығы берілген немесе депортацияға тыйым салынған.
Бюнгер бұл сұранысты соғысқа қатысудан бас тартқан ресейліктерге Германия қандай деңгейде баспана беріп жатқанын нақтылау мақсатында жолдаған.
Германияға жолданған өтініштердің көпшілігі қанағаттандырылмаған немесе қажеттілік жойылған — мысалы, өтінішті қарау басқа ЕО еліне тиесілі екені анықталған жағдайлар болған.
Левтер партиясының депутаты Клара Бюнгердің айтуынша, Украинадағы соғыс басталғалы Ресейден жүздеген мың ер адам кеткенімен, Германияның бар болғаны 349 өтінішті мақұлдауы — ұятты аз көрсеткіш. Ол экс-канцлер Олаф Шольцтің2022 жылы соғысқа қатысудан қашқан ресейліктерге қорған беруге уәде еткенін, бірақ бұл уәде орындалмағанын айтты.