RUS
SMARTNEWS.KZ басылымының хабарлауынша, актриса Жұлдыз Әбдікәрімова соңғы екі жылда жақ сүйегіне байланысты күрделі ем алып жүргенін мәлімдеді. Бұл туралы ол Instagram парақшасында жазды.
«Мен сол тістің жырымен жүрген жайым бар. Жұлдыз, сәл шыда, аз-ақ қалды деп өз-өзіме айтып жүрмін. Қай кезеңге жеткенімізді көрсетейін, бірақ қорқып кетпеңіздер», – деп әзілдеді ол оқырмандарына.
Актрисаның айтуынша, ем 2023 жылдан бері жалғасып келеді. Жақ сүйегіне қатысты ұзақ әрі күрделі процедуралардан өтіп жатқанын айтады.
«2023 жылдан бері жақпен алысып келеміз. Мен де берілмеймін, жақ та шаршамайды. Фиништің ауылы алыс емес. 2026 жылы бітеді дейді-мыс», – деп жазды Жұлдыз.
Желі қолданушылары актрисаға сабыр тілеп, жылы лебіздерін жаудырды.