RUS
SMARTNEWS.KZ басылымының хабарлауынша, 23 және 24 мамырға жоспарланған ҰБТ өткізу күндеріне өзгеріс енгізілді. Бұл туралы Ұлттық тестілеу орталығы мәлімдеді.
— Соңғы қоңырау күнінің ауысуына байланысты 23 және 24 мамырға жоспарланған ҰБТ өткізу күндері де өзгертілді. 23 мамырға өтініш берген талапкерлер ҰБТ-ны 25 мамырда тапсырады. 24 мамырға тіркелген талапкерлер ҰБТ-ны 1 маусымда тапсырады.
Тестілеудің жаңа күні туралы ақпарат app.testcenter.kz сайтындағы сіздің жеке кабинетіңізде автоматты түрде жаңартылады. Сонымен қатар, сізге SMS-хабарлама жіберіледі. Соңғы қоңырауға және алдағы ҰБТ-ға дайындықта сәттілік тілейміз! — делінген орталықтың хабарламасында.
Бұған дейін 2025 жылғы негізгі ҰБТ-ға өтініштер қабылдау аяқталғаны мәлім болды.