RUS
SMARTNEWS.KZ басылымының хабарлауынша, Арыс қаласының 11-сынып оқушысы Айсұлтан Алтынбек әлемнің 86 жоғары оқу орнынан шақырту алып, жалпы сомасы 4,6 миллион долларлық грант иесі атанды. Ол білім алуға негізінен АҚШ, Италия және Малайзия елдеріндегі университеттерді қарастырып отыр. Бұл туралы 24.kz жаңалықтар қызметі жеткізді.
Айсұлтан – IT саласын таңдаған, ағылшын, түрік және неміс тілдерін меңгерген талапты жас. Болашақта компьютерлік ойын дизайнері болғысы келеді және өз арманы — әлемнің үздік университеттеріне түсуді мақсат еткен жастарға арналған платформа жасау.
– Ұтқан гранттар тек оқу ақысын ғана емес, жатақхана, тамақ, гаджеттер мен төрт жылдық толық қамтуды да қамтиды, – дейді Айсұлтан.
Айта кетейік, Айсұлтан білім алған мектептен тағы бірнеше оқушы шетелдік университеттерден грант ұтып алған. Мысалы, Ерасыл Жүнісбек 50 оқу орнынан шақырту алса, тағы 8 оқушы осындай жетістікке жеткен.