RUS
SMARTNEWS.KZ басылымының хабарлауынша, 10 мамыр күні Жетісу облысы Кербұлақ ауданында Көксу өзенінің бір жағынан екінші бетіне трос арқылы өтпек болған ер адам орта жолда ағысқа құлап, жоғалып кеткен еді. Бірнеше күн іздеуден кейін әскери қызметкердің денесі табылды.
Жетісу облыстың Төтенше жағдайлар департаменті азаматтың денесі 15 мамырда табылғанын мәлімдеді.
"Жетісу облысының Кербұлақ ауданында оқиға орнынан 15 шақырым төмен жерде ТЖД Жедел-құтқару жасағының құтқарушылары ер адамның денесін тауып, судан шығарып алды.
Табылған кезде ол ішінара киімде болған. Мәйіт полиция қызметкерлеріне берілді. Сот-медициналық сараптама тағайындалды", - деп хабарлады Жетісу облыстық ТЖД баспасөз қызметі.