Қарағандыда 12 жастағы қыз өгей әкесіне ренжіп, зорлады деп жала жапқан

Алайда оның әйелі мен қызы бұл айыптаудың жалған екенін айтып, дабыл қағуда. Қыздың өзі кейін бәрін ойдан шығарғанын мойындағанымен, іс сотқа жетіп, үкім заңды күшіне енген.

Қыздың айтуынша, өгей әкесіне ренжіп, құрбысының кеңесімен оны зорлады деп айтқан. Полицияға барған соң, құқық қорғаушылар биологиялық әкесін қамаймыз деп қорқытып, жалған куәлік беруге итермелеген. Бастапқы сараптамалар зорлық белгілерін және биологиялық іздерді растамағанымен, кейін күмәнді сұр іш киімнен бір Y-хромосома табылып, дәлел ретінде қабылданған.

Айыпталған Евгенийдің анасы мен әйелі тергеуде қысым болғанын, дәлелдердің қолдан жасалғанын айтып отыр. Әйелінің сөзінше, күйеуі инсульт алып, сал болып қалған. Адвокаты істегі заңбұзушылықтар мен дәлелдердің бұрмаланғанын алға тартуда.

Ал қыздың биологиялық әкесі де қазіргі кезде Евгенийдің жазықсыз екенін мойындап отыр. Ол эмоцияға беріліп, шалыс қадам жасағанын айтты. Енді отбасы Жоғарғы Сотқа жүгінбек.