RUS
SMARTNEWS.KZ басылымының хабарлауынша, әнші Балжан Бидаш жеке өміріне қатысты сұрақтарға жауап беріп, жақын арада тұрмысқа шығуы мүмкін екенін жасырмады.
“Тұрмысқа шығу ойда бар. Тек қана сүюден бөлек, тыныс беретін, жалынымды сөндірмей, қайта биікке көтеретін мықты, өзіне сенімді адам керек екенін өмір түсіндіріп жатыр. Ең бастысы, маған не керек екенін жақсы түсінемін. Қалай сүйілсем, солай сүюге дайынмын. Мүмкін, ол күндер де алыс емес”, – деп жазды әнші.
Сондай-ақ, Балжан ажырасқаннан кейін өзін жоғалтып алғанын айтқан оқырманға да кеңес берді.
“90 пайыз қыздарда болатын дүние. Неге өзімізді жоғалтамыз, өйткені іштегі қалауымызды айта алмаймыз. Жеке шекарамызды қорғай алмаймыз. Ашық сөйлесе алмаймыз. Көңілі қалмасын деп бәріне келісе береміз кейін өзімізді ұмытамыз. Батылдық жетіспейді. Қазақша тәрбиеміздің де әсері бар. Адамды жоғалтып алудан қорқып, манипуляцияның құрбаны боламыз. Әйелдің жай-күйі еріне тікелей байланысты. Күйеуің бәрінен шектемей, артық миыңды ашытпаса да бақытты болмасаң, онда мәселе – өзіңде. Өмірдегі тепе-теңдікті дұрыстай біл”, – деді Балжан Бидаш.