RUS
SMARTNEWS.KZ басылымының хабарлауынша, Ақтауда автокөлік жүргізушісі баланы қағып, оқиға орнынан қашып кеткен. Бұл туралы Lada.kz жазды.
Куәгерлердің айтуынша, оқиға 18 мамыр күні болған. Жеңіл көлік жүргізушісі аула ішінде самокат теуіп жүрген баланы қағып кеткен. Әйел адам оқиға орнынан бой тасалаған.
Жақын маңдағы үйлердің тұрғындары полиция шақырып, жағдайдың мән-жайын анықтауды сұраған.
Lada.kz тілшісіне берген жауабында Маңғыстау облыстық полиция департаменті оқиғаға қатысы бар әйелге ҚР ӘҚБтК 610-бабы бойынша хаттама толтырылғанын хабарлады. Оның көлігі айыптұраққа қойылған.
Зардап шеккен бала медициналық көмек алып, үйіне жіберілген.